QR Code

کرم کی موجودہ صورتحال کے حوالے سے انتظامیہ اور پارلیمنٹیرینز کا اجلاس

2 Jun 2021 00:39

میٹنگ میں ضلع کرم کی موجودہ صورتحال حال اور مسئلہ بالش جیسے امور زیر بحث لائے گئے۔ مزید برآں پارلیمنٹرینز نے کل سے فیصلہ بالش پر باقاعدگی سے عمل درآمد کرنے کیساتھ تفصیلی گفت و شنید کی گئی۔

اسلام ٹائمز۔ ڈپٹی کمشنر کرم ڈاکٹر آفاق وزیر کی سربراہی اور پارلیمنٹرینز کی موجودگی میں آج چنار ہاوس صدہ میں اعلیٰ سطح میٹنگ کا انعقاد ہوا۔ جس میں کمانڈر 73 بریگیڈ برگیڈئیر نجف عباس اعوان، کمانڈنٹ کرم ملیشیاء جمیل الرحمان،  ضلع کرم کے پارلیمنٹرینز اور ڈی پی او کرم طاہر اقبال نے شرکت کی۔ میٹنگ میں ضلع کرم کی موجودہ صورتحال حال اور مسئلہ بالش جیسے امور زیر بحث لائے گئے۔ مزید برآں پارلیمنٹرینز نے کل سے فیصلہ بالش پر باقاعدگی سے عمل درآمد کرنے کیساتھ تفصیلی گفت و شنید کی گئی۔ علاوہ ازیں میٹنگ میں ضلع کرم کی موجودہ صورتحال کو مدنظر رکھتے ہوئے لاء اینڈ آرڈر پر بھی تفصیلی بحث ہوئی اور آگے کیلئے لائحہ عمل کے متعلق اہم فیصلے کئے گئے۔

خبر کا کوڈ: 935801