0
Thursday 3 Jun 2021 01:46
صدر مملکت کی سربراہی میں علماء کا اجلاس

اسلام آباد، علمائے کرام نے کورونا ویکسینیشن کو شرعی حکم قرار دیدیا 

منبر و محراب سے ویکسین کی تلقین کریں
اسلام آباد، علمائے کرام نے کورونا ویکسینیشن کو شرعی حکم قرار دیدیا 
اسلام ٹائمز۔ صدر مملکت ڈاکٹر عارف علوی کے زیر صدارت علماء کرام کا اجلاس اسلام آباد میں ہوا۔ اجلاس میں وزیر مذہبی امور پیر نور الحق قادری، علامہ امین شہیدی، علامہ عارف واحدی، سید ثاقب اکبر نقوی، علامہ طاہر اشرفی، قبلہ ایاز سمیت ملک بھر کے جید علماء کرام، مشائخ عظام کی کورونا ویکسین کے حوالے سے اہم ترین نشست میں شرکت کی، جبکہ چاروں صوبوں، آزاد کشمیر اور گلگت بلتستان کے علماء نے بذریعہ ویڈیو لنک شرکت کی۔ علماء کرام نے کورونا ویکسین کے حوالے سے مشترکہ اعلامیہ جاری کیا، جس کے مطابق پاکستان میں کورونا رجسٹرڈ ویکسینز کے اجزاء ترکیبی پر علماء و مشائخ نے اطمینان کا اظہار کیا اور ویکسین لگوانے پر عوام الناس کو ترغیب دلانے کے لئے علماء و مشائخ مساجد، امام بارگاہوں، خانقاہوں اور مدارس سے موثر اور مثبت آواز بلند کریں گے۔

اعلامیہ میں کہا گیا کہ عوام الناس کی جان اور صحت کی حفاظت مقاصد دین و شریعت میں سے ایک مقصد ہے۔ کورونا ایک وبائی مرض ہے، جس کی روک تھام اور علاج معالجہ کا اہتمام کرنا صرف شریعت کا تقاضا ہی نہیں بلکہ حکم ہے۔ ماہرین کورونا کی مستقل روک تھام کیلئے ویکسین لگوانے پر زور دے رہے ہیں۔ علماء و مشائخ بھی صحت کے ماہرین کی رائے کو اہمیت دیتے ہیں۔ کورونا ویکسین کے استعمال کی ترغیب علماء کرام اور مشائخ عظام کے فرائض منصبی میں سے ہے۔ علمائے کرام منبر و محراب سے جمعہ کو ویکسین لگوانے کی خصوصی تلقین کریں گے نیز علماء اعلانات کا یہ سلسلہ آئندہ کے خطبات میں بھی جاری رکھیں گے۔
خبر کا کوڈ : 935996
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش