اسلام ٹائمز۔ وزیر صحت میٹ ہینکاک نے کہا ہے کہ بھارتی وائرس نے پابندیاں ختم کرنے کا فیصلہ مزید مشکل بنا دیا ہے۔ بین الاقوامی میڈیا رپورٹس کے مطابق برطانوی وزیر صحت میٹ ہینکاک نے اپنے ایک انٹرویو میں کہا کہ بھارتی وائرس، کینٹ وائرس کی نسبت 40 فیصد زیادہ تیزی سے پھیلتا ہے۔میٹ ہینکاک نے کہا کہ اس نئے وائرس نے لاک ڈاؤن پابندیاں ختم کرنےکا فیصلہ مزید مشکل بنا دیا ہے۔ اُن کا مزید کہنا تھا کہ آئندہ چند روز میں 30 برس سے کم عمر افراد کی ویکسینیشن شروع کر دی جائے گی۔