QR Code

خمیس مشیط میں واقع جارح سعودی اہداف پر یمنی ڈرون حملہ

6 Jun 2021 16:30

یمنی مسلح افواج و عوامی مزاحمتی فورسز کیجانب سے خمیس مشیط میں واقع جارح سعودی فوجی اتحاد کے حساس عسکری اہداف پر ملک میں تیار کردہ خودکش ڈرون طیارے کی مدد سے جوابی کارروائی کی گئی ہے۔

اسلام ٹائمز۔ عرب میڈیا نے یمن کی جانب سے جارح سعودی فوجی اتحاد کے خلاف آج علی الصبح ہونے والے ڈرون حملے کی اطلاع دی ہے۔ جارح سعودی شاہی رژیم کے ساتھ منسلک نیوز چینل العربیہ نے اس حوالے سے نشر کی جانے والی اپنی رپورٹ میں اعلان کیا ہے کہ یمنی فورسز کے ایک خودکش ڈرون طیارے کی جانب سے حجاز کے جنوب میں واقع عسیر کے قریب سعودی فوجی اتحاد کی اہم تنصیبات کو نشانہ بنایا گیا ہے۔ دوسری جانب جارح سعودی فوجی اتحاد کے ہوائی دفاع کا دعوی ہے کہ اس نے حملہ آور یمنی ڈرون کو ہدف پر پہنچنے سے قبل ہی ٹریک کر کے تباہ کر دیا ہے۔ قبل ازیں عرب نیوز چینل الجزیرہ نے یمنی حکام سے نقل کرتے ہوئے اعلان کیا تھا کہ یمنی مسلح افواج و عوامی مزاحمتی فورسز کی جانب سے سعودی عرب کے جنوب مغربی علاقے میں انجام پانے والی کامیاب زمینی کارروائی میں 80 سے زائد جارح سعودی فوجی زخمی و ہلاک اور دسیوں گرفتار ہو گئے ہیں۔

خبر کا کوڈ: 936578