غزہ میں قید اسرائیلی فوجیوں کی تصویر و آواز پہلی مرتبہ منظر عام پر

اسلام ٹائمز۔ فلسطینی مزاحمتی تحریک حماس کے عسکری ونگ کتائب عزالدین القسام نے اپنی قید میں موجود اسرائیلی فوجی گیلعاد شالیط کی تصویر کو ایک ایسے حال میں پہلی مرتبہ نشر کیا ہے جب اس کے بارے تل ابیب کا موقف تھا کہ وہ مدتوں قبل ہلاک ہو چکا ہے اور غاصب صیہونی رژیم اس کے بارے سب کچھ جانتی ہے۔ عرب چینل الجزیرہ سے نشر ہونے والی ایک آڈیو ریکارڈنگ میں سنا جا سکتا ہے کہ ایک اسرائیلی فوجی جس کی شناخت واضح نہیں، اپنے اور دوسرے صیہونی فوجی قیدیوں کو آزاد کروانے کے لئے تل ابیب سے التماس کرتا نظر آتا ہے اور کہتا ہے کہ امید ہے کہ اسرائیلی حکام تاحال انہیں بھولے نہ ہوں گے۔ دوسری جانب اسرائیلی ٹیلیویژن کے چینل 12 نے صیہونی انٹیلیجنس کی رپورٹ دہراتے ہوئے دعوی کیا ہے کہ نشر ہونے والی آڈیو ریکارڈنگ آوراہام منگیستو نامی اسرائیلی فوجی سے متعلق ہے۔