اسلام ٹائمز - نئی شروعات کا وقت آگیا ہے، پیچھے مڑکر نہیں دیکھنا چاہتے، فاروق ستار

نئی شروعات کا وقت آگیا ہے، پیچھے مڑکر نہیں دیکھنا چاہتے، فاروق ستار

عدالت نے بانی ایم کیو ام کی اشتعال انگیز تقاریر سمیت 21 مقدمات میں سینئر سیاستدان فاروق ستار اور ایم کیو ایم رہنماؤں کی بریت کی درخواست منظور کی۔ ایم کیو ایم رہنماؤں کے خلاف اشتعال انگیز تقاریر میں سہولت کاری کے مقدمات بھی درج تھے۔

اسلام ٹائمز۔ کراچی کی انسداد دہشت گردی عدالت نے متحدہ قومی موومنٹ کے رہنماؤں کی 21 مقدمات میں بریت کی درخواست منظور کرلی۔ عدالت نے بانی ایم کیو ام کی اشتعال انگیز تقاریر سمیت 21 مقدمات میں سینئر سیاستدان فاروق ستار اور ایم کیو ایم رہنماؤں کی بریت کی درخواست منظور کی۔ ایم کیو ایم رہنماؤں کے خلاف اشتعال انگیز تقاریر میں سہولت کاری کے مقدمات بھی درج تھے۔ اس موقع پر فاروق ستار نے کہا کہ مقدمہ صرف تالیاں بجانے اور تقریر کرانے کا تھا۔ انہوں نے مزید کہا کہ نئی شروعات کا وقت آگیا ہے، اب پیچھے مڑکر نہیں دیکھنا چاہتے ہیں۔