اسلام ٹائمز - بجٹ عوام دوست نظر نہیں آرہا، شیری رحمان

اپنے ایک بیان میں پی پی کی رہنما کا کہنا ہے کہ یہ کسی کو خاطر میں نہیں لا رہے ہیں،بجٹ کا پراسس فروری سے شروع ہوتا ہے، یہاں تو بجٹ آئی ایم ایف سے آ رہا ہے اس لیے تاخیر ہو رہی ہے۔ ماضی میں معیشت کا پہیہ آئی ایم ایف کو نہیں دیا گیا تھا۔

اسلام ٹائمز۔ پیپلز پارٹی کی سینیٹر شیری رحمان کا کہنا ہے کہ ملک میں بے روز گاری بہت زیادہ ہے، حکومت نے غلط اعداد و شمار دکھائے، ہمیں نظر نہیں آرہا کہ بجٹ عوام دوست ہوگا۔ شیری رحمان نے اپنے ایک بیان میں کہاکہ افراط زر 11 فیصد پر آچکاہے،جبکہ دیہی علاقوں میں افراط زر 20،20 فیصد پر آچکا ہے۔ انہوں نے کہا کہ یہ کسی کو خاطر میں نہیں لا رہے ہیں،بجٹ کا پراسس فروری سے شروع ہوتا ہے، یہاں تو بجٹ آئی ایم ایف سے آ رہا ہے اس لیے تاخیر ہو رہی ہے۔ شیری رحمان کا مزید کہنا تھا کہ ماضی میں معیشت کا پہیہ آئی ایم ایف کو نہیں دیا گیا تھا۔