0
Friday 11 Jun 2021 14:55

پاک افغان علماء کانفرنس کا افغانستان میں امن کوششیں جاری رکھنے پر اتفاق

پاک افغان علماء کانفرنس کا افغانستان میں امن کوششیں جاری رکھنے پر اتفاق
اسلام ٹائمز۔ پاکستان و افغانستان مشترکہ علماء کانفرنس کے شرکاء نے افغانستان میں امن و استحکام کے لیے کوششیں جاری رکھنے پر اتفاق کیا ہے۔ پاکستان و افغانستان مشترکہ علماء کانفرنس 10 جون 2021ء کو مکۃ المکرمہ میں ہوئی جس میں افغان امن کے متعلق متفقہ اعلامیہ شائع کیا گیا، وفاقی وزیر مذہبی امور پیر نور الحق قادری اور چیئرمین اسلامی نظریاتی کونسل ڈاکٹر قبلہ ایاز نے پاکستان کی نمائندگی کی جبکہ افغانستان کی نمائندگی افغان مذہبی امور کے وزیر محمد قاسم حلیمی نے کی۔ سعودی عرب میں تعینات پاکستان اور افغانستان کے سفراء اور اسلامی تعاون تنظیم میں پاکستان و افغانستان کے مندوبین نے بھی کانفرنس میں شرکت کی۔
وزیراعظم پاکستان کے نمائندہ خصوصی برائے مذہبی ہم آہنگی و مشرق وسطیٰ حافظ طاہر محمود اشرفی اور مفتی تقی عثمانی سمیت پاکستان کے جید علمائے کرام نے پاکستان سے بذریعہ ویڈیو لنک کانفرنس میں شرکت کی۔

کانفرنس میں موجود پاکستان و افغانستان کے تمام علماء کرام نے متفقہ اعلامیہ کی تائید و توثیق کی اور افغانستان میں پائیدار اور دیر پا امن و استحکام کے لئے پاکستان کی کوششوں کو بھرپور سراہا۔ متفقہ اعلامیے کی تیاری اور تکمیل میں علمائے کرام کے تعاون اور کردار کو بھی بھرپور سراہا جبکہ علمائے کرام نے اس بات کا عہد کیا کہ وہ افغانستان میں امن و استحکام کے لئے اپنی کوششوں کو جاری و ساری رکھیں گے۔وزارت مذہبی امور کے مطابق کانفرنس کے اختتام پر 14 نکاتی افغانستان امن اعلامیہ جاری کیا گیا۔
خبر کا کوڈ : 937494
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش