اسلام ٹائمز - یمن، مأرب میں جارح قوتوں کیخلاف مسلح افواج و عوامی مزاحمتی فورسز کا میزائل و ڈرون آپریشن

یمن، مأرب میں جارح قوتوں کیخلاف مسلح افواج و عوامی مزاحمتی فورسز کا میزائل و ڈرون آپریشن

یمنی مسلح افواج و عوامی مزاحمتی فورسز نے شہر مأرب پر قابض جارح سعودی فوجی اتحاد اور حزب الاصلاح کے ٹھکانوں کو 4 بیلسٹک میزائلوں اور متعدد ڈرون طیاروں کی مدد سے نشانہ بنایا ہے۔

اسلام ٹائمز۔ یمنی مسلح افواج و عوامی مزاحمتی فورسز نے صوبہ مأرب پر قابض جارح سعودی فوجی اتحاد اور مستعفی یمنی صدر منصور ہادی کے ساتھ وابستہ فورسز حزب الاصلاح کے ٹھکانوں کو اپنے بیلسٹک میزائلوں کے ساتھ نشانہ بنایا ہے۔ عرب نیوز چینل المیادین نے ذرائع سے نقل کرتے ہوئے اطلاع دی ہے کہ یمنی مسلح افواج و عوامی مزاحمتی فورسز کی اس جوابی کارروائی میں جارح فورسز کے متعدد اہلکار ہلاک و زخمی ہوئے ہیں۔ المیادین کا کہنا ہے کہ یمنی مسلح افواج و عوامی مزاحمتی فورسز نے شہر مأرب کے شمال میں واقع جارح سعودی عرب کے "صحن الجن" نامی فوجی اڈے کو متعدد ڈرون طیاروں کی مدد سے نشانہ بنایا ہے۔ ذرائع نے المیادین کو بتایا کہ جارح فورسز کے ٹھکانوں کو 4 بیلسٹک میزائلوں کے ساتھ نشانہ بنایا گیا ہے۔