QR Code

جماعت اسلامی کا کے الیکٹرک کا لائسنس منسوخ اور قومی تحویل میں لینے کا مطالبہ

12 Jun 2021 23:25

احتجاج سے خطاب میں امیر جماعت اسلامی حافظ نعیم الرحمان نے کہا کہ کے الیکٹرک نے اضافی بجلی ملنے کے باوجود لوڈشیڈنگ بڑھا دی ہے، شدید گرم موسم میں شہری لوڈ شیڈنگ کے باعث بلبلا رہے ہیں۔

اسلام ٹائمز۔ کراچی میں بجلی کی طویل لوڈشیڈنگ اور اوور بلنگ کے خلاف جماعت اسلامی کا کے الیکٹرک کے ہیڈ آفس پر احتجاجی دھرنا جاری ہے۔ جماعت اسلامی نے کے الیکٹرک کا لائسنس منسوخ کرکے قومی تحویل میں لینے کا مطالبہ کردیا۔ امیر جماعت اسلامی حافظ نعیم الرحمان نے کہا کہ کے الیکٹرک نے اضافی بجلی ملنے کے باوجود لوڈشیڈنگ بڑھا دی ہے۔ حافظ نعیم الرحمان نے کہا کہ شدید گرم موسم میں شہری لوڈ شیڈنگ کے باعث بلبلا رہے ہیں۔

خبر کا کوڈ: 937766