QR Code
غیر پارلیمانی الفاظ استعمال کرنیوالوں کا قومی اسمبلی میں داخلہ بند
16 Jun 2021 11:58
ایک بیان میں اسد قیصر نے کہا کہ ایوان میں حزب اختلاف اور حکومتی ارکان کی جانب سے نازیبا زبان استعمال کی گئی، غیرپارلیمانی زبان استعمال کرنے والے ارکان کو آج ایوان میں داخلے کی اجازت نہیں دی جائے گی۔
اسلام ٹائمز۔ اسپیکر قومی اسمبلی اسد قیصرنے گزشتہ روز قومی اسمبلی میں ہوئے واقعے کی مکمل تحقیقات کرانے کا اعلان کر دیا۔ ایک بیان میں اسد قیصر نے کہا کہ ایوان میں حزب اختلاف اور حکومتی ارکان کی جانب سے نازیبا زبان استعمال کی گئی، غیرپارلیمانی زبان استعمال کرنے والے ارکان کو آج ایوان میں داخلے کی اجازت نہیں دی جائے گی۔ دوسری جانب اسپیکر اسد قیصر نے ایوان میں ہنگامہ آرائی کی سی سی ٹی وی فوٹیج مانگ لی ہے۔ خیال رہے کہ گزشتہ روز قومی اسمبلی میں قائد حزب اختلاف شہباز شریف کی تقریر کے دوران وفاقی وزراء سمیت حکومتی ارکان نے ہنگامہ آرائی کی تھی۔ اسپیکر کی مسلسل ہدایت کے باوجود حکومتی ارکان خاموش نہ ہوئے جب کہ اس دوران شہباز شریف کو اپوزیشن ارکان نے حصار میں لے لیا۔
خبر کا کوڈ: 938341