اسلام ٹائمز۔ سابق صدر مملکت آصف علی زرداری اسلام آباد سے لاہور پہنچ گئے۔ آصف علی زرداری لاہور میں کچھ روز قیام کریں گے۔ ذرائع کا کہنا ہے کہ سابق صدر لاہور میں اپنا طبی معائنہ بھی کروائیں گے۔ ذرائع کے مطابق سابق صدر آصف علی زرداری لاہور میں معروف کارڈیالوجسٹ سے طبی معائنہ کروائیں گے۔ پارٹی رہنماوں کے مطابق آصف علی زرداری صوبائی دارالحکومت میں اپنے قیام کے دوران سیاسی اور پارٹی رہنماوں سے ملاقاتیں کریں گے، آصف علی زرداری کے دورہ لاہور کے دوران کئی سیاسی شخصیات بھی پیپلز پارٹی میں شامل ہونگی۔