0
Sunday 20 Jun 2021 17:04

اسپیکر بلوچستان اسمبلی نے پارلیمانی لیڈرز کا اجلاس طلب کر لیا

اسپیکر بلوچستان اسمبلی نے پارلیمانی لیڈرز کا اجلاس طلب کر لیا
اسلام ٹائمز۔ بلوچستان اسمبلی کے اسپیکر میر عبدالقدوس بزنجو نے صوبے کی تمام جماعتوں کے پارلیمانی لیڈرز کا اجلاس آج طلب کر لیا ہے، جس میں بجٹ کے آئندہ اجلاسوں کے لئے لائحہ عمل پر گفتگو کرنے کے امکانات ہیں۔ اطلاعات کے مطابق اسپیکر بلوچستان اسبملی نے بلوچستان عوامی پارٹی کے پارلیمانی لیڈر اور موجودہ وزیراعلیٰ جام کمال خان، جمعیت علمائے اسلام کے پارلیمانی لیڈر اور قائد حزب اختلاف ملک سکندر خان ایڈووکیٹ، پی ٹی آئی کے پارلیمانی لیڈر اور صوبائی وزیر سردار یار محمد رند، عوامی نیشنل پارٹی کے پارلیمانی لیڈر اصغر خان اچکزئی، بلوچستان نیشنل پارٹی کے پارلیمانی لیڈر میر اسد اللہ بلوچ، ہزارہ ڈیموکریٹک پارٹی کے پارلیمانی لیڈر اور وزیر عبدالخالق ہزارہ، پشتونخواء ملی عوامی پارٹی کے نصر اللہ زیرے اور جمہوری وطن پارٹی کے گہرام بگٹی کو اجلاس میں دعوت دی ہے۔ مشترکہ اجلاس اسپیکر چیمبر میں طلب کر لیا گیا ہے۔
خبر کا کوڈ : 939101
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش