QR Code

قادر مندوخیل نے فردوس عاشق اعوان کیخلاف مقدمے کیلئے درخواست دائر کردی

21 Jun 2021 05:10

کراچی میں رہنما پیپلز پارٹی کی جانب سے جمع کروائی گئی درخواست میں مؤقف اختیار کیا گیا کہ فردوس عاشق نے ٹی وی شو کے دوران انھیں تھپڑ مارا، گالیاں اور دھمکیاں دیں۔ درخواست میں قتل کی دھمکیاں اور تشدد کرنے کی دفعات کا مقدمہ درج کرنے کی استدعا کی گئی ہے۔

اسلام ٹائمز۔ پیپلز پارٹی کے رکن قومی اسمبلی قادر خان مندوخیل نے وزیراعلیٰ پنجاب کی معاون خصوصی فردوس عاشق اعوان کے خلاف مقدمے کے اندراج کی درخواست دائر کردی۔ قادر مندوخیل نے ضلع کیماڑی کے تھانے سعید آباد میں فردوس عاشق اعوان کے خلاف درخواست جمع کروائی ہے۔ رہنما پیپلز پارٹی کی جانب سے جمع کروائی گئی درخواست میں مؤقف اختیار کیا گیا ہے کہ فردوس عاشق اعوان نے ٹی وی شو کے دوران انھیں تھپڑ مارا، گالیاں اور دھمکیاں دیں۔

درخواست میں فردوس عاشق اعوان کے خلاف ہراسانی، قتل کی دھمکیاں اور تشدد کرنے کی دفعات کا مقدمہ درج کرنے کی استدعا کی گئی ہے۔ دوسری جانب پولیس حکام کا کہنا ہے کہ درخواست پر ماہرین قانون سے مشورہ کرکے قادر خان مندوخیل کو جواب دے دیا گیا تھا، واقعہ اسلام آباد میں ہوا، مقدمہ بھی وہیں ہوسکتا ہے۔

خبر کا کوڈ: 939162