کوکا کولا کا خیبر پختونخوا میں 5 کروڑ ڈالر کی سرمایہ کاری کا اعلان

اسلام ٹائمز۔ کوکا کولا بیوریجز پاکستان لمیٹڈ نے خیبر پختونخوا کے ضلع ہری پور میں پیداواری پلانٹ کے قیام کیلئے 5 کروڑ ڈالر کی سرمایہ کاری کا اعلان کیا۔ کوکا کولا بیوریجز پاکستان لمیٹڈ (سی سی آئی پاکستان) کے وفد نے جنرل منیجر احمد کرساد ارتن کے ہمراہ وزیر اعظم عمران خان سے ملاقات کی اور ملک میں گرین فیلڈ پروجیکٹ کے لیے خیبر پختونخوا کے ضلع ہری پور میں پیداواری پلانٹ کے قیام کیلیے 5 کروڑ ڈالر کی سرمایہ کاری کا اعلان کیا، یہ سی سی آئی کا ملک میں ساتواں پیداواری پلانٹ ہو گا۔ اس نئے جدید ترین پیداواری پلانٹ کی تعمیر کا کام سال 2022 کی پہلی سہ ماہی تک مکمل کرلیا جائے گا۔