ایران ہمیشہ کے مذاکرات میں نہیں پڑیگا، سعید خطیب زادہ

اسلام ٹائمز۔ ایرانی وزارت خارجہ کے ترجمان سعید خطیب زادہ نے اپنے ایک پیغام میں لکھا ہے کہ اس معاہدے کی حفاظت پر مبنی اپنے عزم کی خاطر ویانا مذاکرات میں ایران سب سے زیادہ سرگرم فریق رہا ہے، جسے تباہ کرنے کی امریکہ نے پوری کوشش کر ڈالی تھی اور یہی وجہ ہے کہ ایران کی جانب سے ہی سب سے زیادہ ڈرافٹ بھی پیش کئے گئے ہیں۔ سعيد خطیب زادہ نے لکھا کہ ہمارا ماننا ہے کہ معاہدے تک پہنچا جا سکتا ہے تاہم اسکی شرط یہ ہے کہ امریکہ "ٹرمپ کی شکست خوردہ وراثت" کو ترک کرنیکا فیصلہ کر لے۔ انہوں نے لکھا کہ ایران ہمیشہ کے مذاکرات میں نہیں پڑے گا۔