0
Sunday 27 Jun 2021 19:53

کیچ کے مقام پر شرپسند عناصر کا ایف سی اہلکاروں پر حملہ، ایک اہلکار شہید، 2 زخمی

کیچ کے مقام پر شرپسند عناصر کا ایف سی اہلکاروں پر حملہ، ایک اہلکار شہید، 2 زخمی
اسلام ٹائمز۔ صوبہ بلوچستان میں تربت کے قریب واقع ضلع کیچ میں شرپسند عناصر کی فائرنگ کے نتیجے میں ایک ایف سی اہلکار شہید اور دو زخمی ہوگئے ہیں۔ ایف سی ذرائع کے مطابق فرنٹیئر کور بلوچستان 61 ونگ کے اہلکار کیچ کے علاقے میں پاک ایران سرحد کے قریب لگائی گئی باڑ کی حفاظت پر مامور تھے۔ اطلاعات کے مطابق پہاڑوں کی جانب سے نامعلوم حملہ آوروں نے اہلکاروں پر چھوٹے اور خودکار ہتھیاروں سے حملہ کیا اور اندھا دھند فائرنگ شروع کر دی، جس کی زد میں آکر تین اہلکار شدید زخمی ہوگئے۔

اس موقع پر قریبی ایف سی چوکی سے ایف سی کے دیگر اہلکاروں نے موقع پر پہنچ کر جوابی فائرنگ شروع کر دی، جس کے بعد حملہ آور فرار ہونے میں کامیاب ہوگئے۔ فائرنگ کا نشانہ بننے والے اہلکاروں میں سپاہی حسین بخش، رضوان احمد اور شبیر احمد شامل ہیں۔ جن میں رضوان احمد اور شبیر احمد زخمی ہوگئے جبکہ حسین بخش بعد ازاں زخموں کی تاب نہ لاکر اپنے خالق حقیقی سے جا ملے۔
خبر کا کوڈ : 940357
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش