QR Code

وسیع راکٹ حملے کے باعث شام کے امریکی فوجی اڈے میں شدید تباہی ہوئی ہے، عالمی میڈیا

30 Jun 2021 23:56

عالمی میڈیا نے گذشتہ روز شامی صوبے دیر الزور میں واقع غیر قانونی امریکی فوجی اڈے پر ہونیوالے وسیع راکٹ حملے سے متعلق سٹیلائٹ تصاویر شائع کرتے ہوئے اعلان کیا ہے کہ ان تصاویر سے ثابت ہوتا ہے کہ نامعلوم راکٹ حملے کے باعث اس فوجی اڈے کے شمال مغربی حصے میں وسیع تباہی پھیلی ہے۔

اسلام ٹائمز۔ عالمی میڈیا نے اعلان کیا ہے کہ شام کے مشرقی صوبے دیرالزور میں واقع غیر قانونی امریکی فوجی اڈے پر گذشتہ روز ہونے والے حملے میں امریکی فوجی اڈے میں وسیع تباہی ہوئی ہے۔ سیٹیلائٹ تصاویر اور مکمل انٹیلیجنس اطلاعات کے ہمراہ عسکری اخبار پہنچانے والی ویب سائٹ آرورا انٹل نیٹورک سے نقل کرتے ہوئے ای مجلے ساؤتھ فرنٹ نے لکھا ہے کہ سیٹیلائٹ سے حاصل ہونے والی تصاویر سے ثابت ہوتا ہے کہ شام کی شمال مشرقی آئل فیلڈز العمر میں واقع امریکہ کے غیر قانونی فوجی اڈے پر 28 جون کے روز ہونے والے راکٹ حملے میں وسیع تباہی ہوئی ہے۔

اس حملے کے اگلے روز آرورا نے اپنی رپورٹ میں سٹیلائٹ کی مدد سے حاصل کی گئی تصاویر نشر کرتے ہوئے لکھا ہے کہ اس بھیانک حملے سے ہونے والے وسیع نقصان کے شواہد تاحال واضح ہیں اور جیسا کہ ظاہر ہے اس فوجی اڈے پر کئی ایک راکٹ آن لگے ہیں جن کے باعث سب سے زیادہ نقصان اسلحے کے گودام اور اس کے اردگرد کے حصوں کو پہنچا ہے۔ واضح رہے کہ اس حملے کے بعد امریکی فوج کی جانب سے اعلان کیا گیا تھا کہ امریکی فوجی اڈے پر 122 ملی میٹر قطر کے حامل 32 راکٹ داغے گئے ہیں تاہم اس حملے میں کوئی نقصان نہیں ہوا درحالیکہ روسی خبررساں ایجنسی اسپتنک نے اس حوالے سے اپنے ذرائع سے نقل کرتے ہوئے گذشتہ روز نشر ہونے والی اپنی رپورٹ میں انکشاف کیا تھا کہ اس حملے میں کم از کم 7 امریکی فوجی زخمی ہوئے ہیں۔

خبر کا کوڈ: 940919