اسلام ٹائمز۔ وفاقی وزیر داخلہ شیخ رشید نے آج ہونے والے اعلیٰ سطح اجلاس کے حوالے سے کہا ہے کہ سیاست کا مستقبل تبدیل ہونے والا ہے، جہاں سیاست اب ملکی سالیمت کی سیاست پر مبنی ہوگی اور اپوزیشن بھی حکومت کے ساتھ مل کر ایک نئی راہ پر چلنے والی ہے۔ راولپنڈی میں میڈیا سے بات کرتے ہوئے انہوں نے کہا کہ گذشتہ 3 برس سے اپوزیشن ہماری حکومت گرانے کے لیے جدوجہد کر رہی تھی لیکن اب وہ ذہنی طور پر قبول کرچکی ہے کہ آئندہ کے 2 برس بھی حکومت کو دیئے جائیں۔