QR Code

جارح سعودی عرب کے "الودیعہ" فوجی اڈے پر 10 یمنی ڈرون طیاروں کا کامیاب حملہ

1 Jul 2021 23:49

ٹوئٹر پر جاری ہونیوالے ایک پیغام میں یمنی مسلح افواج کے ترجمان جنرل یحیی سریع نے اعلان کیا ہے کہ یمنی فورسز کیجانب سے سرحد کے قریب واقع جارح سعودی فوجی اتحاد کے الودیعہ نامی اڈے پر 10 قاصف-2K خودکش ڈرون طیاروں کیمدد سے کامیاب حملہ کیا گیا ہے۔

اسلام ٹائمز۔ یمنی مسلح افواج کے ترجمان جنرل یحیی سریع نے اپنے ایک پیغام میں اعلان کیا ہے کہ یمنی فورسز نے ملک میں تیار کردہ قاصف-2K خودکش ڈرون طیاروں کی مدد سے یمنی سرحد کے قریب واقع جارح سعودی فوجی اتحاد کے الودیعہ نامی فوجی اڈے کو کامیابی کے ساتھ نشانہ بنایا ہے۔ ٹوئٹر پر جاری ہونے والے ایک پیغام میں جنرل یحیی سریع نے لکھا ہے کہ 2 روز قبل 10 یمنی حملہ آور قاصف-2K ڈرون طیاروں نے جارح سعودی فوجی اتحاد کے الودیعہ نامی فوجی اڈے میں واقع کمانڈ و ٹریننگ سنٹر سمیت مختلف عمارتوں کو انتہائی کامیابی کے ساتھ نشانہ بنایا ہے۔ یمنی مسلح افواج کے ترجمان کے مطابق اس آپریشن میں جارح سعودی فوجی اتحاد کے متعدد کمانڈروں سمیت 60 جارح فوجی ہلاک ہوئے ہیں جبکہ یمنی الاعلام الحربی کی جانب سے اس خصوصی آپریشن کی ویڈیو فوٹیج بھی جاری کی گئی ہے، ملاحظہ کیجئے؛

خبر کا کوڈ: 941094