اسلام ٹائمز۔ شیعہ علماء کونسل پاکستان کے مرکزی رہنماء علامہ محمد رمضان توقیر نے پاراچنار کا دورہ کیا، جہاں انہوں نے مدرسہ رہبر معظم پاراچنار میں سپریم لیڈر تحریک حسینی علامہ سید عابد حسین الحسینی سے ملاقات کی اور سابق صدر اور چئیرمین مذاکراتی کمیٹی تحریک حسینی پاراچنار مرحوم الحاج علامہ شیخ یوسف حسین جعفری کی وفات پر تعزیت و تسلیت پیش کی۔ علامہ رمضان توقیر نے علامہ یوسف حسین جعفری کے انتقال پر گہرے دکھ کا اظہار کیا اور علامہ سید ساجد علی نقوی کا حصوصی پیغام بھی پہنچایا۔ بعدازاں دونوں شخصیات کے مابین ملکی اور ضلع کرم کے موجودہ حالات اور مسائل پر بھی گفتگو ہوئی۔ اس موقع پر صدر تحریک حسینی پاراچنار مولانا عابد حسین جعفری اور دیگر بھی موجود تھے۔