عراق، امریکی فوج کا لاجسٹک قافلہ بم دھماکے میں تباہ

اسلام ٹائمز۔ عراق میں غیر قانونی طور پر قابض امریکی فوج کا ایک لاجسٹک قافلہ جنوبی شہر بصرہ میں بم حملے کا شکار بن کر تباہ ہو گیا ہے۔ مقامی میڈیا کے مطابق امریکی فوج کا یہ قافلہ بصرہ سے ناصریہ کی جانب گامزن تھا کہ سڑک کنارے نصب بم سے ٹکرا گیا۔ عوامی مزاحمتی محاذ سے قریبی چینل صابرین نیوز کے مطابق امریکی فوج کے اس قافلے پر گذشتہ شب حملہ کیا گیا جبکہ ہونے والے جانی یا مالی نقصان کی تفصیلات تاحال موصول نہیں ہوئیں۔