0
Thursday 15 Jul 2021 11:37

افغانستان کے مسئلے پر پاکستان خصوصی کانفرنس کی میزبانی کرے گا، فواد چوہدری

افغانستان کے مسئلے پر پاکستان خصوصی کانفرنس کی میزبانی کرے گا، فواد چوہدری
اسلام ٹائمز۔ وفاقی وزیرِ اطلاعات فواد چوہدری کا کہنا ہے کہ افغانستان کے استحکام اور سلامتی کے مسئلے پر  پاکستان جلد ایک خصوصی کانفرنس کی میزبانی کرے گا۔ وفاقی وزیر نے ٹوئٹر پر پیغام جاری کرتے ہوئے کہا کہ افغانستان کے استحکام اور سلامتی کے لیے پاکستان کی کوششیں جاری ہیں، وزیراعظم عمران خان نے اب سے کچھ دیر  پہلے افغانستان کے سابق صدر حامد کرزئی سے فون پر گفتگو کی۔ فواد چوہدری کا کہنا ہے کہ پاکستان افغانستان کے مسئلے پر ایک خصوصی کانفرنس کی میزبانی کر رہا ہے جس کی تفصیلات جلد سامنے لائی جائیں گی۔ اپنے ٹوئٹ میں انہوں نے لکھا کہ مجوزہ کانفرنس میں حامد کرزئی سمیت اہم ترین افغان قیادت کو شمولیت کی دعوت دی گئی ہے، امید ہے کہ اس اہم پیشرفت کے نتیجے میں افغانستان کے مسائل کے حل کی نئی امید جاگے گی۔ ذرائع کے مطابق سابق صدر حامد کرزئی، صلاح الدین ربانی، افغان صدر کے نمائندہ خصوصی عمر داؤد زئی اور سابق وزیر خزانہ عمر زاخیل وال کو اجلاس میں شرکت کی دعوت دی گئی ہے جن میں سے عمر زاخیل وال اور عمر داؤد زئی نے اجلاس میں شرکت کی تصدیق کر دی ہے  تاہم اجلاس کی تاریخوں کا ابھی تعین نہیں کیا جاسکا ہے۔ خیال رہے وزیراعظم عمران خان آج ازبکستان میں جنوب اور  وسط ایشیائی ملکوں کی کانفرنس میں شرکت کے لیے دو روزہ دورے پر تاشقند پہنچیں گے، کانفرنس میں افغان صدر اشرف غنی بھی شرکت کریں گے۔
خبر کا کوڈ : 943521
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش