اسلام ٹائمز۔ ترجمان سندھ حکومت اور مشیر قانون و ماحولیات بیرسٹر مرتضی وہاب نے کہا ہے کہ سنتِ ابراہیمی کی ادائیگی میں شہر میں صفائی ستھرائی کا مکمل خیال رکھنا ضروری ہے۔ انہوں نے ضلع شرقی اور ضلع کورنگی کا دورہ کرتے ہوئے افسران کو ہدایات جاری کیں۔ ترجمان سندھ حکومت کے شہر کے دورے کے موقع پر دونوں اضلاع کے ڈپٹی کمشنرز اور دیگر افسران بھی ان کے ہمراہ تھے۔ انہوں نے عیدالاضحی سے پہلے کئے گئے انتظامات کا جائزہ لیا اور اطمینان کا اظہار کیا اور ساتھ ہی ساتھ انہوں نے دونوں اضلاع میں ہونے والے ترقیاتی کاموں کا جائزہ لیتے ہوئے ان منصوبوں کو بروقت مکمل کرنے کی ہدایت کی۔