اسلام ٹائمز۔ محکمہ ریلویز کوئٹہ کے مزدور عید الاضحیٰ کے دن بھی چھٹی منانے کی بجائے کام کرنے میں مصروف رہے۔ تفصیلات کے مطابق دالبندین کے علاقے میں پسیزند تفتان ریلوے ٹریک حالیہ تیز بارشوں کی وجہ سے شدید خراب ہوگیا تھا، جس کی مرمت کا کام عید الاضحیٰ کے پہلے روز شروع کر دیا گیا۔ بتایا جا رہا ہے کہ کام کا آغاز اس لئے عید کے دن کیا گیا، تاکہ لوگوں کی بڑی تعداد چھٹیوں کے بعد اذیت کا شکار نہ ہو اور باآسانی سفر کرسکے۔