اسلام ٹائمز۔ چیئرمین سینیٹ محمد صادق سنجرانی نے عید الاضحیٰ کے موقع پر وزیراعلیٰ بلوچستان جام کمال خان سے وزیراعلیٰ ہاؤس کوئٹہ میں ملاقات کی۔ تفصیلات کے مطابق چیئرمین سینیٹ نے وزیراعلیٰ کو عید کی مبارک باد پیش کی۔ مزید بتایا جا رہا ہے کہ ملاقات میں باہمی دلچسپی سمیت دیگر امور پر تبادلہ خیال کیا گیا۔ اس موقع پر سینیٹر پرنس آغا عمر احمد زئی، اراکین اسمبلی اور صوبائی سیکرٹریٹ کے ارکان بھی موجود تھے۔