اسلام ٹائمز۔ امامیہ علماء کونسل کے رہنماء اور جامعہ العسکریہ ہنگو کے پرنسپل علامہ خورشید انور جوادی کی سرربراہی میں علاقہ بنگش کے علمائے کرام نے تحریک حسینی پاراچنار کے سپریم لیڈر اور بزرگ عالم دین علامہ سید عابد حسین الحسینی سے ملاقات کی، اس موقع پر انہوں نے علامہ عابد الحسینی کی عیادت کی اور انہیں عید الاضحیٰ کی مبارکباد بھی پیش کی۔ ملاقات کے دوران ضلع کرم کے موجودہ حالات پر بھی تفصیلی بات چیت ہوئی۔ ملاقات میں تحریک حسینی پاراچنار کے صدر مولانا عابد حسین جعفری بھی موجود تھے۔