اسلام ٹائمز۔ مسلم لیگ (ن) کے رہنما محمد زبیر کا کہنا ہے کہ نواز شریف سے افغان سلامتی مشیر کی ملاقات، محض ملاقات تھی، اسے توثیق یا تائید نہ سمجھا جائے۔ نجی ٹی وی کے پروگرام میں اینکر شہزاد اقبال سے گفتگو کرتے ہوئے محمد زبیر نے کہا کہ میاں نواز شریف سے افغان سلامتی مشیر کی ملاقات کا پارٹی کو علم تھا۔ اس سوال پر کہ حمداللہ محب کے پاکستان مخالف بیان پر نواز شریف نے مذمت کی؟ تو (ن) لیگی رہنما نے جواب دیا کہ پارٹی نے حمداللہ محب کے بیانات کی مذمت کی تھی۔