اسلام ٹائمز۔ کراچی کے علاقے کورنگی کے مختلف علاقوں میں 6 اگست تک مائیکرو اسمارٹ لاک ڈاؤن نافذ کردیا گیا۔ کراچی میں کرونا وائرس کے بڑھتے ہوئے کیسز کے باعث ضلع کورنگی کے مختلف علاقوں میں 6 اگست تک مائیکرو اسمارٹ لاک ڈاؤن نافذ کردیا گیا۔ انتظامیہ کا کہنا ہے کہ ہاٹ اسپاٹ علاقوں میں کورنگی سب ڈویژن کی 4 یونین کونسل یو سی 2 ناصر کالونی، یو سی 3 چکرا گوٹھ، یو سی 6 گلزار کالونی اور یو سی 10 بھٹائی کالونی کے علاقے شامل ہیں۔ حکام کے مطابق مائیکرو اسمارٹ لاک ڈاؤن والے علاقوں میں ہر طرح کے اجتماعات اور تقریبات پر پابندی ہوگی۔