افغانستان سے علاج کے بہانے آنیوالی خاتون سے 20 کلو چرس برآمد

اسلام ٹائمز۔ علاج کے بہانے چمن بارڈر کے ذریعے ملک میں داخل ہونے والی افغان خاتون سے 20 کلو چرس برآمد ہوچکی ہے۔ تفصیلات کے مطابق مذکورہ خاتون لنگڑی ہونے کی اداکاری کر رہی تھی مگر درحقیقت اس کی ٹانگوں کی پٹی کے اندر چرس بڑی مقدار میں موجود تھی، جسے وہ اندرون ملک سپلائی کرنا چاہتی تھی۔ پاکستانی حکام نے خاتون کو گرفتار کرتے ہوئے چرس تحویل میں لے لی ہے۔ بتایا جا رہا ہے کہ پاک افغان بارڈر پر منشیات کی اسمگلنگ بڑی مقدار میں کی جاتی ہے، مگر پاکستانی حکام ہمہ وقت انہیں ناکام بنانے کی کوششوں میں مصروف ہوتے ہیں۔