اسلام ٹائمز۔ ایران میں غیر قانوںی طور پر قیام پذیر 348 پاکستانی باشندے تفتان بارڈر پر پاکستانی حکام کے حوالے کر دیئے گئے ہیں۔ تفصیلات کے مطابق ان افراد کا تعلق پنجاب، سندھ، کے پی کے اور آزاد کشمیر سے ہے۔ پاکستانی حکام کا کہنا ہے کہ یہ لوگ بغیر دستاویزات کے ایران گئے تھے۔ ایرانی حکام نے اپنی قانونی چارہ جوئی مکمل کرنے کے بعد انہیں پاکستانی حکام کے حوالے کر دیا۔ مزید تفتیش مقامی انتظامیہ کر رہی ہے۔ محکمہ صحت کے مطابق تمام افراد کو کورونا ٹیسٹ کے عمل سے گزارنے کے بعد مزید تفتیش کے لئے تھانہ منتقل کیا جائے گا۔