اسلام ٹائمز۔ وزیراعلیٰ بلوچستان جام کمال خان کا سرکاری جہاز ان کے اہل خانہ کو لانے کیلئے کوئٹہ سے کراچی تک خالی چلا گیا۔ باخبر ذرائع کے مطابق وزیراعلیٰ بلوچستان کے حکم پر عوام الناس کے ٹیکس کے پیسوں سے چلنے والا سرکاری جہاز ان کے اہل خانہ کی آمد و رفت کیلئے استعمال ہو رہا ہے۔ مزید بتایا جا رہا ہے کہ آج کوئٹہ سے سرکاری جہاز خالی چلا گیا، تاکہ وزیراعلیٰ بلوچستان کے اہل خانہ کو کراچی سے کوئٹہ لایا جا سکے۔