اسلام ٹائمز۔ کُل مسالک علماء بورڈ اور ہیومن فرینڈز آرگنائزیشن کے قائدین کا مشترکہ اجلاس منعقد ہوا جس میں فیصلہ کیا گیا کہ 11 اگست یوم اقلیت کو یوم مساوات کے طور پر منایا جائیگا۔ شہر میں بین المذاہب مساوات کانفرنس ہوگی۔ مولانا عاصم مخدوم اور ساجد کرسٹوفر نے اجلاس میں خصوصی شرکت کی۔ اس موقع پر فیصلہ کیا گیا کہ 11 اگست کو شہر میں بین المذاہب مساوات کانفرنس کا انعقاد کیا جائیگا۔ کانفرنس میں تمام مذاہب کے قائدین شریک ہونگے۔
مولانا عاصم مخدوم نے کہا بانی پاکستان قائداعظم کی تقریر مساوات کا درس دیتی ہے، پاکستان کا ہر شہری برابر کے حقوق رکھتا ہے۔ ساجد کرسٹوفر نے کہا 11 اگست کو ملک بھر میں سیمینار منعقد ہونگے، حکومت یوم اقلیت نہیں یوم مساوات منانے کا اعلان کرے۔ اجلاس میں چودھری محمد ارشد گجر، ملک محمد آصف، عمانوئل صادق، اویس علی، خالد فرید اور دیگر شریک ہوئے۔