اسلام ٹائمز۔ شہر میں دستی بم حملوں کا ایک نیا سلسلہ شروع ہوا ہے، جس کی وجہ سے شہری خوف و ہراس کا شکار ہوگئے ہیں۔ تفصیلات کے مطابق کوئٹہ کے علاقے سریاب روڈ کیچی بیگ شہید چوک پر واقع درزی کی دکان پر دستی بم سے حملہ کیا گیا ہے، جس کے نتیجے میں دو افراد زخمی ہوگئے ہیں۔ ذرائع کے مطابق زخمیوں کو فوری طور پر سول ہسپتال منتقل کر دیا گیا ہے، جن کی حالت بہتر ہے۔ چھیپا ذرائع کے مطابق کہ زخمی ہونے والے افراد کا تعلق کوئٹہ کے علاقے دشت اور کلی محمد شہی سریاب روڈ سے ہے۔