اسلام ٹائمز - آئیں قوم و ملک کی خدمت کریں، سہیل شاہین

اپنے ایک بیان میں ترجمان طالبان کا کہنا ہے کہ افغانستان کے دروازے ان تمام افراد کیلئے کھلے ہیں جنہوں نے حملہ آوروں کی مدد کی ہے۔

اسلام ٹائمز۔ افغان طالبان کے ترجمان سہیل شاہین کا کہنا ہے کہ آئیں اور قوم و ملک کی خدمت کریں، طالبان افغانستان کے دروازے ان تمام افراد کیلئے کھلے ہیں جنہوں نے حملہ آوروں کی مدد کی ہے۔ سہیل شاہین نے اپنے بیان میں کہا کہ طالبان افغانستان کے دروازے کرپٹ کابل انتظامیہ کے ساتھ کھڑے افراد کے لئے بھی کھلے ہیں۔ ان کا مزید کہنا تھا کہ پہلے بھی معافی دی، ایک بار پھر دعوت دیتے ہیں کہ آئیں اور قوم و ملک کی خدمت کریں۔ واضح رہے کہ طالبان نے کئی اہم افغان شہروں پر قبضے کے بعد افغانستان کے دارالحکومت کابل کا گھیراؤ شروع کر دیا، افغان حکومت کا کنٹرول صرف کابل تک محدود ہو گیا ہے، جلال آباد بھی طالبان کے قبضے میں چلا گیا ہے۔