0
Friday 20 Aug 2021 11:48

افغانستان میں الیکشن کا وقت نہیں، سہیل شاہین

افغانستان میں الیکشن کا وقت نہیں، سہیل شاہین
اسلام ٹائمز۔ افغان طالبان کے سیاسی دفتر کے ترجمان سہیل شاہین نے کہا ہے کہ  افغانستان میں ابھی اقتدار کا خلا ہے اس لیے ملک میں سب سے پہلے جامع حکومت کے قیام کی ضرورت ہے۔ چینی میڈیا کو دیے گئے انٹرویو میں سہیل شاہین نے کہا کہ چین افغانستان میں امن اور مفاہمت کو فروغ دینے میں تعمیری کردار ادا کر سکتا ہے۔ گزشتہ دنوں طالبان کے ایک اعلیٰ سطح کے وفد نے چینی وزیر خارجہ سے ملاقات کی تھی جس میں چینی وزیر خارجہ کا کہنا تھا کہ انہیں امید ہےکہ افغانستان جدید اسلامی پالیسی کو اپنائے گا۔ طالبان ترجمان نے افغانستان کی تعمیر نو کے لیے چین کے تعاون کا بھی خیر مقدم کیا ہے۔ سہیل شاہین کا کہنا تھا کہ افغانستان میں افغانوں پر مشتمل نئی جامع حکومت کے لیے بات چیت جاری ہے، نئی جامع حکومت کے فریم ورک میں تمام افغان زیرغور ہیں اور منتخب کیے جانے والے افغان شخصیات کے ناموں کا اعلان کیا جائے گا۔ انہوں نے مزید کہا کہ افغانستان میں ابھی اقتدار کا خلا ہے اور کسی قسم کے الیکشن کا وقت نہیں جب کہ ملک میں کوئی آئین نہیں لہٰذا نیا آئین تیار کر کے منظور کیا جائے گا، بہت کام ہے جو بعد میں کیے جائیں گے البتہ افغانستان میں سب سے پہلے جامع حکومت کے قیام کی ضرورت ہے۔ 
خبر کا کوڈ : 949394
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش