لیویز فورسز کی قربانیاں رائیگاں نہیں جائیں گی، جام کمال

اسلام ٹائمز۔ وزیراعلیٰ بلوچستان جام کمال خان نے اپنے بیان میں مانگی ڈیم کے قریب لیویز فورس کی گاڑی بارودی سرنگ سے ٹکرانے کے نتیجے میں لیویز جوانوں کی شہادت پر گہرے دکھ اور افسوس کا اظہار کرتے ہوئے کہا ہے کہ جام شہادت نوش کرنے والے لیویز کے بہادر جوانوں کو سلام پیش کرتا ہوں۔ انہوں نے کہا کہ سکیورٹی فورسز بہادری کے ساتھ دہشت گردوں کا مقابلہ کر رہی ہیں۔ اس قسم کے ہتھکنڈوں سے دہشت گرد سکیورٹی فورسز کے حوصلے پست نہیں کر سکتے۔ بلوچستان میں امن کے قیام کے لئے لیویز فورس سمیت تمام فورسز کے اداروں کی قربانیاں رائیگاں نہیں جائیں گی۔ وزیراعلی نے واقعے میں زخمی ہونے والے لیویز اہلکاروں کو بہترین علاج معالجے کی سہولیات مہیا کرنے کی ہدایت اور زخمی ہونے والے لیویز اہلکاروں کی جلد صحتیابی کیلئے دعا۔