علامہ شہنشاہ نقوی کے اسلام آباد داخلے پر پابندی قانون کی پامالی ہے، علامہ ناصر عباس جعفری

اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ علامہ شہنشاہ حسین نقوی کے اسلام آباد داخلے پر پابندی اور مقدمے کا اندراج قانون و انصاف کی بدترین پامالی ہے۔ سماجی رابطوں کی ویب سائٹ ٹوئٹر پر اپنے بیان میں ان کا کہنا تھا کہ علامہ شہنشاہ حسین نقوی اتحاد امت کے داعی ہیں، تکفیری ملاؤں کو نفرت کا بازار گرم کرنے کی کھلی چھوٹ جبکہ مذہبی رواداری کا درس دینے والے کے گرد گھیرا تنگ کیا جانا انتشار پیدا کرنے کی کوشش ہے۔