اسلام ٹائمز۔ وفاقی وزیر خزانہ شوکت ترین کا کہنا ہے کہ بھارتی ہیکرز نے 7 روز تک ایف بی آر کا سسٹم ہیک کرکے رکھا۔ سینیٹر طلحہ محمود کی زیرصدارت قائمہ کمیٹی برائے خزانہ کا اجلاس ہوا، جس میں انکشاف ہوا کہ فیڈرل بورڈ آف ریونیو (ایف بی آر) کا سسٹم سات دنوں تک ہیک رہا۔ وزیر خزانہ شوکت ترین نے کہا کہ بھارتی ہیکرز نے ایف بی آر کا سسٹم ہیک کیا، سسٹم ہیک کرنے کی سزا جس کو ملنے چاہیے تھی اس کو مل چکی تاہم ایف بی آر میں تمام سسٹم کو اپگریڈ کیا جارہا ہے۔ واضح رہے کہ بھارتی ہیکرزنے 2019 میں بھی ایف بی آرکا سسٹم ہیک کیا تھا۔