0
Sunday 12 Sep 2021 12:10
آئینی صوبے کے قیام کیلئے حکومت پاکستان کو اپنی کوششیں عالمی سطح پر بھی تیز کرنا ہونگی

گلگت بلتستان کے عوام کی مرضی کے برعکس کوئی فیصلہ قبول نہیں کرینگے، علامہ ناصر عباس جعفری

قومی اسمبلی میں مناسب نمائندگی کیلئے جی بی کے عمائدین سے تجاویز و آراء کا تبادلہ کیا جانا چاہیئے
گلگت بلتستان کے عوام کی مرضی کے برعکس کوئی فیصلہ قبول نہیں کرینگے، علامہ ناصر عباس جعفری
اسلام ٹائمز۔ مجلسِ وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ گلگت بلتستان کی حیثیت کو عبوری آئینی صوبے کی حیثیت سے مزید محروم رکھنا زیادتی ہوگی۔ پاکستان کے ساتھ الحاق کے لیے مجاہدانہ کردار ادا کرنے والی نڈر قوم کی خود مختار صوبے کے حق سے تاحال محرومی ان میں مایوسی کے احساس کو پروان چڑھا رہی ہے۔ ہمیں موجودہ حکومت پر قوی یقین ہے کہ وہ اس درد کا مداوا کرے گی۔ اپنے ایک بیان میں سربراہ اہم ڈبلیو ایم پاکستان کا کہنا تھا کہ قومی اسمبلی میں مناسب نمائندگی کے لیے گلگت بلتستان کے عمائدین سے تجاویز و آراء کا تبادلہ کیا جانا چاہیئے، تاکہ حکومتی فیصلوں اور عوامی خواہشات میں ہم آہنگی موجود رہے۔ گلگت بلتستان کے عوام کی مرضی کے برعکس کسی بھی فیصلے کی مجلس وحدت مسلمین قطعی تائید نہیں کرے گی۔

انہوں نے کہا گلگت بلتستان آئینی صوبے کے قیام کے لیے پاکستان کی حکومت کو اپنی کوششیں عالمی سطح پر بھی تیز کرنا ہوں گی۔ اقوام متحدہ سمیت ثالث کا کردار ادا کرنے والی بین الاقومی قوتوں کو یہ باور کرانے کی ضرورت ہے کہ جی بی صوبے کا قیام ایک آئینی و قومی تقاضا ہے، جو علاقے کی ترقی، استحکام اور انتظامی معاملات کو موثر بنانے کے لیے انتہائی ضروری ہے۔ انہوں نے کہا کہ جی بی کے عوام نے ہر موقع پر اپنی حب الوطنی کو ثابت کیا ہے۔ آئینی عبوری صوبے کے قیام میں مسلسل تاخیر کو کچھ عناصر ہتھیار کے طور پر استعمال کرکے جی بی کے عوام میں احساس محرومی پیدا کرنا چاہتے ہیں، تاکہ انہیں وطن عزیز سے متنفر کیا جا سکے۔ اس زہریلے پراپیگنڈے اور شدت پسندی کے تدارک کے لیے عوامی امنگوں کے عکاس فیصلے وقت کی اہم ضرورت ہیں۔ ان میں مزید تاخیر کی اب گنجائش نہیں۔
خبر کا کوڈ : 953440
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش