کوئٹہ، ایچ ڈی پی اور پی ٹی آئی کارکنوں کے درمیان جھگڑا، ایک شخص زخمی

اسلام ٹائمز۔ کنٹونمنٹ بورڈ لوکل گورنمنٹ کے انتخابات کے دوران کوئٹہ کے علاقے مری آباد میں ہزارہ ڈیموکریٹک پارٹی اور پاکستان تحریک انصاف کے کارکن آپس میں لڑ پڑے ہیں۔ تفصیلات کے مطابق گورنمنٹ سردار حسن موسیٰ گرلز ڈگری کالج پولنگ اسٹیشنز میں ایچ ڈی پی اور پی ٹی آئی کے سپوٹرز آمنے سامنے آگئے اور تصادم کے نتیجے میں ایک شخص کے زخمی ہونے کی اطلاع ملی ہے، جسے ہسپتال منتقل کر دیا گیا ہے۔ اطلاعات کے مطابق جھگڑا وارڈ نمبر تین میں قائم پولنگ اسٹیشن میں ہوا، جہاں ایک خاتون ووٹ ڈالنے آئی تو اس کا نام لسٹ میں نہ ہونے کی وجہ سے مخالف پارٹی کی خواتین نے اسے روک دیا اور معاملہ مردوں تک جا پہنچا، جس کے بعد لڑائی شروع ہوگئی۔