QR Code

پاکستان امریکا کی ریاست نہیں اور نہ ہی اسکا پیروکار ہے، سینیٹر رضا ربانی

15 Sep 2021 22:26

ایک بیان میں سابق چیئرمین سینیٹ نے کہا کہ امریکا خود خطے میں دوغلی پالیسی پر عمل پیرا ہے، امریکا ماضی میں جنہیں آزادی کے لئے جنگ کرنے والا کہتا تھا آج دہشت گرد کہہ رہا ہے۔

اسلام ٹائمز۔ سابق چیئرمین سینیٹ اور پاکستان پیپلز پارٹی کے سینیٹر رضا ربانی نے امریکی کانگریس اور سیکریٹری اسٹیٹ کے پاکستان سے متعلق بیان کی مذمت کرتے ہوئے کہا ہے کہ امریکی کانگریس اور سیکریٹری اسٹیٹ کا پاکستان کے ساتھ رویہ ناقابل قبول ہے۔ رضا ربانی نے کہا کہ  امریکا کو احساس ہونا چاہیئے کہ پاکستان اس کی ریاست نہیں اور نہ ہی اس کا پیروکار ہے، چند اراکین کانگریس پاکستان کے کردار کو دہرا نہیں کہہ سکتے۔

سینیٹر رضا ربانی نے کہا کہ امریکا خود خطے میں دوغلی پالیسی پر عمل پیرا ہے، امریکا ماضی میں جنہیں آزادی کے لئے جنگ کرنے والا کہتا تھا آج دہشت گرد کہہ رہا ہے۔ رضا ربانی نے کہا کہ امریکا نے اپنے قومی مفاد میں فوجی آمریتوں کا ساتھ دیا، پاکستان کابل حکومت کو تسلیم کرنے سے متعلق خطے کے دیگر ممالک سے مشاورت کرے۔

خبر کا کوڈ: 954032