اسلام ٹائمز۔ عرب اسرائیل تعلقات بحالی کا ایک سال مکمل ہونے پر امریکی وزیر خارجہ نے عرب اور اسرائیلی ہم منصبوں کے ساتھ ورچوئل اجلاس منعقد کیا۔ اسرائیل، متحدہ عرب امارات، بحرین اور مراکش کے وزرائے خارجہ اجلاس میں شریک ہوئے۔ اس موقع پر امریکی وزیر خارجہ نے کہا کہ اسرائیل سے تعلقات کی بحالی کے لئے مزید عرب ممالک کی حوصلہ افزائی جاری رکھیں گے۔ سعودی میڈیا کے مطابق اسرائیلی وزیر خارجہ رواں ماہ بحرین کا بھی دورہ کریں گے۔