اسلام تائمز۔ وفاقی وزیر شبلی فراز نے گجرات میں میڈیا سے بات کرتے ہوئے کہا کہ گرمیوں میں بجلی کی طلب میں اضافہ ہو جاتا ہے۔ 60 سے 65 فیصد بجلی ائرکنڈیشنز اور پنکھوں کیلئے استعمال ہوتی ہے۔ جدید ٹیکنالوجی کے استعمال سے بجلی کی بچت کی جا سکتی ہے۔ اس سے صارفین کو بل میں بھی کمی آئے گی۔ وفاقی وزیر سائنس اینڈ ٹیکنالوجی شبلی فراز نے مزید کہا ہے کہ حکومت صنعتکاروں کو سہولیات فراہم کر رہی ہے، تاکہ صنعتوں کا فروغ ہوسکے اور لوگوں کو روزگار کے مواقع میسر آسکیں۔