اسلام ٹائمز - کوہاٹ میں انسداد پولیو ٹیم پر فائرنگ، کانسٹیبل شہید

کوہاٹ میں انسداد پولیو ٹیم پر فائرنگ، کانسٹیبل شہید

پولیس کے مطابق انسداد پولیو ٹیم پر فائرنگ کا واقعہ ڈھل بہزادی میں پیش آیا۔ پولیس حکام کا کہنا ہے کہ واقعے میں دونوں ہیلتھ ورکرز محفوظ رہے۔

اسلام ٹائمز۔ کوہاٹ میں انسداد پولیو ٹیم پر فائرنگ سے پولیس کانسٹیبل شہید ہو گیا۔ پولیس کے مطابق انسداد پولیو ٹیم پر فائرنگ کا واقعہ ڈھل بہزادی میں پیش آیا۔ پولیس حکام کا کہنا ہے کہ ملزمان کی فائرنگ سے پولیس کانسٹیبل شہید ہو گیا تاہم واقعے میں دونوں ہیلتھ ورکرز محفوظ رہے۔ پولیس کے مطابق اہلکار کی ذاتی دشمنی سمیت دیگر پہلوؤں پر تفتیش کی جا رہی ہے، پولیس کی اضافی نفری موقع پر پہنچ گئی ہے۔دوسری جانب محکمہ صحت کا کہنا ہے کہ علاقے میں انسداد پولیو مہم کا آج تیسرا روز ہے۔