QR Code

سندھ میں مزید 19 کورونا مریض انتقال کر گئے

21 Sep 2021 10:38

محکمہ صحت کے ترجمان کا کہنا ہے کہ کراچی میں گزشتہ 24 گھنٹوں کے دوران کورونا وائرس کے کیسز کی شرح 7 اعشاریہ 02 فیصد ریکارڈ کی گئی۔

اسلام ٹائمز۔ ملک بھر کی طرح صوبۂ سندھ میں بھی کورونا وائرس کی چوتھی لہر کے دوران کیسز میں کمی آ رہی ہے۔ محکمہ صحت کے ترجمان کا کہنا ہے کہ سندھ بھر میں گزشتہ 24 گھنٹوں کے دوران کورونا وائرس کے باعث 19 افراد انتقال کر گئے۔ کراچی میں کورونا کیسز کی شرح 7 فیصد پر آ گئی، حیدر آباد میں شرح 10 فیصد ہو گئی، جبکہ سندھ کے دیگر اضلاع میں یہ شرح ڈھائی فیصد رہی۔ محکمۂ صحت کے مطابق کراچی میں گزشتہ 24 گھنٹوں کے دوران کورونا وائرس کے کیسز کی شرح 7 اعشاریہ 02 فیصد ریکارڈ کی گئی۔ یہاں اس دوران 4 ہزار31 افراد کے کورونا ٹیسٹ کیے گئے، جن میں سے 283 مثبت آئے۔ حیدر  آباد میں گزشتہ 24 گھنٹوں کے دوران کورونا مثبت کیسز کی شرح 9 اعشاریہ 9 فیصد ریکارڈ کی گئی۔ یہاں اس دوران 869 افراد کے کورونا ٹیسٹ کیے گئے، جن میں سے 86 مثبت آئے۔ سندھ کے دیگر اضلاع میں گزشتہ 24 گھنٹوں کے دوران کورونا کیسز کی شرح 2 اعشاریہ 47 فیصد رہی۔ ان اضلاع میں اس دوران 11 ہزار 377 افراد کے کورونا ٹیسٹ کیئے گئے، جن میں سے 281 مثبت آئے۔ سندھ بھر میں کورونا وائرس کے مریضوں کی تعداد دیگر صوبوں سے زیادہ 4 لاکھ 51 ہزار 448 ہو چکی ہے، جبکہ اس سے کُل اموات 7 ہزار 289 ہو گئیں۔

خبر کا کوڈ: 954925