اسلام ٹائمز - ویکسینیشن نہ کرانے والے یکم اکتوبر سے کئی سہولتوں سے محروم ہو جائیں گے

ویکسینیشن نہ کرانے والے یکم اکتوبر سے کئی سہولتوں سے محروم ہو جائیں گے

نیشنل کمانڈ اینڈ آپریشن سینٹر کے مطابق ویکسین نہ لگوانے والوں پر یکم اکتوبر سے فضائی سفر پر پابندی ہو گی۔

اسلام ٹائمز۔ کورونا سے بچاؤ کی ویکسین لگوا لیں، ورنہ پابندیوں کے لیے تیار ہو جائیں، مکمل ویکسینیشن نہ کرانے والے اگلے ماہ سے کئی سہولتوں سے محروم ہو جائیں گے۔ نیشنل کمانڈ اینڈ آپریشن سینٹر (این سی او سی) کے مطابق ویکسین نہ لگوانے والوں پر یکم اکتوبر سے فضائی سفر پر پابندی ہو گی۔ اس کے علاوہ جو لوگ کورونا کی ویکسین نہیں لگوائیں گے وہ شادی کی تقریبات اور شاپنگ مالز میں بھی نہیں جا سکیں گے۔ اس کے علاوہ ان افراد کو ڈائن ان اور ڈائن آؤٹ کی اجازت بھی نہیں ہو گئی اور انہیں ہوٹل یا گیسٹ ہاؤس میں رہنے کی اجازت نہیں ہو گی۔