جی بی اسمبلی کا ساتواں اجلاس 23 ستمبر کو طلب

اسلام ٹائمز۔ گلگت بلتستان اسمبلی کا ساتواں اجلاس 23 ستمبر بروز جمعرات طلب کر لیا گیا۔ اسمبلی سیکرٹریٹ کے مطابق گورنر جی بی نے اسمبلی کا ساتواں اجلاس جمعرات کے روز سہ پہر پانچ بجے اسمبلی سیشن ہال جوٹیال میں طلب کر لیا ہے۔ جی بی کے عام انتخابات کے بعد یہ اسمبلی کا ساتواں اجلاس ہوگا۔ جمعرات کے روز ہونے والے سیشن میں عارضی ملازمین، زمینوں کا معاملہ اور دیگر اہم ایشوز پر گرما گرم بحث کا امکان ہے۔