اسلام ٹائمز - امریکا فرانس کشیدگی میں کمی

خبر ایجنسی کے مطابق فون پر بات چیت کے بعد فرانس نے اگلے ہفتے اپنا سفیر واپس واشنگٹن بھیجنے کا فیصلہ کیا ہے۔

اسلام ٹائمز۔ امریکا اور فرانس کشیدگی کے بعد امریکی صدر جوبائیڈن اور فرانسیسی صدر ایمانوئیل میکرون کے درمیان فون پر رابطہ ہوا ہے۔ خبر ایجنسی کے مطابق فون پر بات چیت کے بعد فرانس نے اگلے ہفتے اپنا سفیر واپس واشنگٹن بھیجنے کا فیصلہ کیا ہے، دونوں صدور بہتر مشاورت کا عمل شروع کرنے پر بھی رضامند ہوئے ہیں۔ خیال رہے کہ آسٹریلیا نے فرانس سے معاہدہ توڑ کر امریکا سے آب دوزیں خریدنے کا فیصلہ کیا تھا جس کے بعد فرانس نے ناراض ہو کر امریکا اور آسٹریلیا سے اپنے سفیر واپس بلوا لیے تھے۔