QR CodeQR Code

حکومت نے ملکی تاریخ کی مہنگی ترین چینی درآمد کرلی

26 Sep 2021 22:49

ٹی سی پی کو درآمدی چینی پورٹ پر 109 روپے 90 پیسے فی کلو میں پڑی ہے، اسی طرح تمام اخراجات ملاکر یوٹیلیٹی اسٹورز کو چینی تقریباً 123 روپے کلو میں پڑے گی۔


اسلام ٹائمز۔ وفاقی حکومت نے یوٹیلیٹی اسٹورز کے لیے ملکی تاریخ کی مہنگی ترین چینی درآمد کرلی۔ تفصیلات کے مطابق ٹریڈنگ کارپوریشن آف پاکستان کی جانب سے درآمد کی گئی 28 ہزار 760 میٹرک ٹن چینی کی کھیپ پاکستان پہنچ گئی ہے، ٹی سی پی کو درآمدی چینی پورٹ پر 109 روپے 90 پیسے فی کلو میں پڑی ہے جب کہ گزشتہ ایک لاکھ ٹن چینی کی لینڈڈ کاسٹ 89.26 روپے فی کلو پڑی تھی، اسی طرح تمام اخراجات ملاکر یوٹیلیٹی اسٹورز کو چینی تقریباً 123 روپے کلو میں پڑے گی۔ حکومت نے ملک میں تیار ہونے والی چینی کے ایکس مل ریٹ 84 روپے 75 فی کلو گرام مقرر کئے ہیں، اس طرح درآمدی چینی سرکاری ایکس مل ریٹ سے 25.15 روپے فی کلو مہنگی پڑی جب کہ یوٹیلیٹی اسٹورز کو سرکاری ریٹیل قیمت سے چینی تقریباً 33.25 روپے کلو مہنگی پڑے گی۔ حکومتی فیصلے کے مطابق یوٹیلیٹی اسٹورز پر درآمدی چینی 85 روپے فی کلو میں فروخت کی جائے گی اور قیمت خرید اور فروخت کا فرق سبسڈی سے پورا کیا جائے گا۔


خبر کا کوڈ: 955888

خبر کا ایڈریس :
https://www.islamtimes.org/ur/news/955888/حکومت-نے-ملکی-تاریخ-کی-مہنگی-ترین-چینی-درآمد-کرلی

اسلام ٹائمز
  https://www.islamtimes.org